သူတို့မမှားကြပါဘူး

စိတ်တိုခြင်းစိတ်ဆတ်ခြင်းသည် နောင်တတရားများကိုသာဖန်ဆင်းပေးပြီးဝမ်းနည်းမှုများကိုသာလက်ဆောင်ပေးတတ်သည်
ကျွန်တော်ငယ်ငယ်ကကျွန်တော့မေမေကိုမေးဖူးတယ် ကျွန်တော်ကြီးလာရင်ဘာဖြစ်မလဲလို့မေးတာ မေမေကဘာမှပြန်မဖြေဘူး ပြုဲံးရုံပဲပြုံးနေတယ် အိပ်မက်တွေဆိုတာ လူတစ်ယောက်ရဲ့ကောင်းမွန်တဲ့အနာဂတ်တွေကိုညွန်းဆိုတယ်တဲ့ ကျွန်တော်ငယ်ငယ်ကဆရာတစ်ယောက်ဖြစ်ဖို့အိပ်မက်မက်ဖူးတယ် ဆရာဆိုတာတွေ့သမျှလူကိုခိုင်းချင်ပြီး အမိန့်ပေးတတ်တဲ့ဆရာကိုပြောတာမဟုတ်ပါဘူး ကျွန်တော့လို့ ကလေးလေးတွေကို အနာဂတ်အကြောင်းတွေပြောပြရင် မသိတာတွေမတတ်တာတွေကိုလမ်းညွှန်ပြချင်တာ ကျွန်တော့မေမေကပြောတယ် နင့်ကိုသင်ပြတဲ့ဆရာတွေဆရာမတွေကိုကြည့်တဲ့ နင်တို့ဘယ်လောက်ဆိုးဆိုး ဘယ်လောက်ဆူဆူ သူတို့စိတ်မတိုကြဘူးတဲ့သီးခံကြရတယ်တဲ့ ဆရာတစ်ယောက်ဖြစ်ဖို့ဆိုတာစိတ်ရှည်သီးခံတတ်ဖို့လိုတယ်တဲ့နင့်လိုစိတ်နဲ့ဆိုရင်တော့ မဖြစ်နိုင်ဘူးတဲ့ ကျွန်တော်တော်တော်ကိုစိတ်ပျက်သွားတယ်ဗျာ တကယ်တော့လည်းဟုတ်ပါတယ် ကျွန်တော့ကိုလူတော်တော်များများက စိတ်တိုတတ်တယ်လို့ပြောကြတယ် သူငယ်ချင်းတွေကတောင် အတော်အသင့်ကျွန်တော့ကို မစကြဘူးဗျ ကျွန်တော်ကစိတ်တိုလို့တဲ့ကျွန်တော်ကတော့အဲလိုမထင်ပါဘူး ကျွန်တော်ကသာ နားလည်တတ်ဆုံး ကိုယ်ချင်းစာနာတတ်ဆုံးလို့ပဲထင်နေတာ သီးခံထားတဲ့ အတိုင်းအတာလွန်ရင်တော့ ကျွန်တော်ကမခံဘူးဗျဘာမှလုပ်ခွင့်မရရင် ကိုယ် အကြိုက်ဆုံးပစ္စည်းတစ်ခုခုကိုရိုက်ချိုးလိုက်ရမှကျေနပ်တာပြိးတော့ကျွန်တော့ကိုနာကျင်အောင်လုပ်တဲ့သူကိုလဲမှတ်ထားတတ်သေးတာ ထားပါတော့ဒီလောက်ဆိုကျွန်တော်စိတ်တိုတတ်တာပေါ်နေပြိလေ စိတ်တိုတတ်တဲ့ကျွန်တော့ကို နောင်တတွေ ၀မ်းနည်းမှုတွေစာနာမှုတွေပေးတာတော့ လူတစ်ယောက်မဟုတ်ခဲ့ဘူးဗျ ကျွန်တော်ကဇနပုပ်သား တောသား အဖေတို့ အမေတို့ကတောင်သူလုပ်တယ် ကျွန်တော်ငယ်ငယ်ကတည်းကကျောင်းပိတ်ရက်ဆိုနွားကျောင်းရတယ် ကျွန်တော်တို့ရွာကနွေရာသီရောက်ရင်ရေရှားတယ်ဗျ နွားသွားကျောင်းရပြီဆိုရင်ရေရှိတဲ့စားကျက်တွေကိုသွားကျောင်းရတယ် ကျွန်တော်သွားကျောင်းတဲ့စားကျက်ကရွာနဲ့တော်တော်အလှမ်းဝေးတယ်ဗျာ ဘာတတ်နိုင်မလဲလေ ရေမှမရှိတာကို ရှိတဲ့ဆီသွားရတာပေါ့ မနက်ခင်းကထွက်သွားရင် 10 နာရီလောက်ဆိုစားကျက်ကိုရောက်တယ် နေကပူပူ ဖုန်တွေကတလိမ့်လိမ့်နဲ့ဗျာ ဘယ်လောက်တောင်ပင်ပန်းလဲဆိုတာခင်ဗျားတို့သာစဉ်းစားကြည့်ပါတော့ ဟိုရောက်တော့ကျွန်တော်တော်တော်ကိုချွေးပျံနေပြိ တော်ပါသေးရဲ့ရှင်မတောင်သနပ်ခါးထူထူကြီးလိမ်းခဲ့လို့ ညိုတဲ့အသားလေးနက်မသွားတာ ပင်ပန်းတာနဲ့ကျွန်တော်လဲ စားကျက်ရောက်တော့လယ်စောင့်တဲ့လေးပေါ်သွားနားလိုက်တယ် လယ်စောင့်တဲ့ကလည်းအစုတ်ပါဗျာ ကြမ်းဆိုလို့လေးငါခြောက်ချောင်းပဲရှိတာ လူတစ်ကိုယ်လုံးတောင်ကျွံသွားနိုင်တယ်တဲပေါ်ရောက်တော့ဆောင်းလာတဲ့ခမောက်ကိုချွတ်ပြိ်း ယပ်ခပ်နေလိုက်တယ် ပြီးတော့အေးဆေးပြီပေါ့ ယူလာတဲ့ဗလာစာအုပ်နဲ့ဘောပင်လေးကိုထုတ်ပြီးဟိုရေးဒီရေးလုပ်လိုက်တယ် ပြောရဦးမယ် ကျွန်တော်ကနေတာကသာတော်ကြိုတောကြားမှာဗျ ကဗျာဆရာကြီးတဂိုးတို့လို့ နာမည်ကျော်ကဗျာဆရာကြီးလည်းဖြစ်ချင်သေးတာ ဟယ်ရီပေါ်တာလိုဇာတ်လမ်းကောင်းဝတ္ထုကောင်းလေးတွေလည်းရေးချင်သေးတာ စိတ်ကူးယဉ်တာပဲဗျာလွတ်လွတ်လပ်လပ်ပေါ့ မဟုတ်ဘူးလား ဟိုရေးဒီရေးနဲ့ "ဟေး နွားကျောင်းတဲ့လူသေနေပြီလားဟေ့ ဒီမှာနွားတွေကအခင်းဝင်စားနေပြီင်္ ဘယ်သွားသေနေတာလဲ" ကဲခင်ဗျားတို့ကြားတဲ့ အတိုင်းပဲဗျာ နားဝင်ခါးလိုက်ပုံများကတော့ အဲဒီလိုဖြစ်တာ ငယ်ထိပ်ကိုမိုးကြိုးပစ်တာဗျ ကျွန်တော်လည်းစာအုပ်ကိုလွယ်အိပ်ထဲထိုးသွပ်ရင်းနဲ့တဲပေါ်ကခုန်ချပြီးပြေးရတာပေါ့ ဖိနပ်တောင်စီးချိန်မရလို့လက်ကကိုင်ပြီးပြေးရတာ ဟုတ်တယ်ဗျ သူများအခင်းထဲ့ကျွဲ နွားဝင်းစားတယ်ဆိုတာ နဲတဲ့ပြဿနာမဟုတ်ဘူး အခင်းရှင်မကျေနပ်ရင်သူကြီးတိုင်ပြီး အလျော်တွေဘာတွေတောင်းသေးတာ အဲလိုသာလျော်ရလို့တော့ ကျွန်တော့်အဖေက ကျွန်တော့်ကိုဒါးနဲ့ခုတ်ချမှာဗျ ကျွန်တော်လည်းကျွတ်နေတဲ့ပုဆိုးကိုစလွယ်သိုင်း ပါးစပ်ကလည်းဒေါသတကြီးနဲ့ဆဲသွားလိုက်သေးတယ် နွားကျောင်းသားဆိုတော့ခပ်ရိုင်းရိုင်းပဲဗျို့ ဟိုရောက်တော့ အခင်းရှင်ကကျွန်တော့နွားအုပ်ကိုမောင်းထုတ်နေတယ် ကျွန်တော်လည်းမျက်နှာကိုပျားရည်ထက်ချိုအောင်ထားပြီးတောင်းပန်ရတာပေါ့ တော်သေးတယ် စပြီးစားကာစမို့ သူကြီးတော့မတိုင်ဘူး ကျွန်တော်ပဲအီဆိမ့်နေအောင်ဆဲခံလိုက်ရတယ် ဆဲတဲ့စကားလုံးတွေကိုတော့မပြောတော့ပါဘူးဗျာ စိတ်နာလွန်းလို့ပါ ကဲစဉ်းစားကြည့်ဗျာဒီလောက်တောင်ကျယ်ဝန်းတဲ့ စားကျက်ထဲမစားပဲနဲ့ဘာလို့များသူများစိုက်ထားတဲ့စိုက်ခင်းကိုသွားစားရမလဲ စားပါလေ့ဗျာ ဒီလောက်ပေါတဲ့မြက်တွေကို ကျွန်တော်လဲစိတ်တိုတာပေါ့ စိတ်တိုတာမှကိုရှူးနေတာပဲ လေးခွနဲ့လောက်စလုံးတွေကိုထုတ် တနေ့လယ်လုံးလိုက်ပြီးတော့ပစ်နေလိုက်တယ် ကျွန်တော့လက်ကလည်းဖြောင့်တယ်ဗျ ဒီလောက်ထူတဲ့နွားသားရေတွေတောင် ဖုလုံးတွေထသွားတယ် နှိပ်စက်လို့အားရပြီဆိုတော့မှ တဲပေါ်ကိုပြန်တက်ခဲ့တယ် ရေးလက်စကဗျာလေးဆက်ရေးမယ်ပေါ့ စိတ်မချတာနဲ့နောက်ပြန်လှည့်ကြည့်လိုက်တယ် ထင်တဲ့အတိုင်းပဲဗျာ နွားတစ်ကောင်ကစောနကအခင်းဘက်ကိုဦးတည်ပြီးသွားနေပြန်ရော့ကျွန်တော်လည်းတော်တော်စိတ်တိုသွားတယ် အော်ပြောရဦင်္းမယ်အဲနွားက ကျွန်တော်တို့ခြံမှာကန်အဆိုးဆုံးနွားဗျ သူမွေးပြီင်္းလို့မကြာသေးဘူး နွားမကြီးကသေသွားတယ် နို့မစို့ရပဲနဲ့ ထမင်းရေသောက်ပြီးအသက်ရှင်ခဲ့တာ သူ့နာမည်ကတော့နွားနီလို့ပေးထားတယ် အမွှေးကအနှီရယ်အပြာရယ်ရောနေတာ သူ့ရဲ့ချိုကလှုပ်စိလှုပ်စိနဲ့ဗျ တစ်ဘက်ကမိုးပေါ်ထောင်ပြီးတစ်ဘက်ကအောက်စိုက်နေတာ ဘာပဲဖြစ်ဖြစ်အဲဒီနွားကိုစိတ်တိုတာပေါ့ဗျာမကြာသေးခင်ကမှနေပူကြီးထဲပြေးလွှားလာခဲ့တာ ခုပြန်ပြီးပြေးရပြန်ပြီလောက်စလုံးတွေလည်းမရှိတော့ဘူး အဲဒါနဲ့ ကျွန်တော်လည်းတုန်းကောင်းကောင်းတစ်ချောင်းကိုကောက်ပြီးသွားရိုက်မယ်ပေါ့ သူကအနားကပ်မခံဘူးဗျ ကျွန်တော်အနားကပ်သွားတိုင်းကဆုန်ထိုးပြီးပြေးတာကျွန်တော်လည်းအသားကုန်အော်ဆဲပြီးလိုက်မောင်းရတာပေါ့ ဟိုအခင်းနားကရောက်တော့မှာ ဒီတစ်ခါသာအဲဒီအခင်းထဲပြန်ဝင်ရင်ကျွန်တော်တော့သူကြီးနဲ့ထိပ်တိုက်တွေ့မှာဗျ လိုက်မမှီတော့ကျွန်တော်လည်းတုတ်နဲ့ပစ်ပေါက်ပြီးမောင်းလိုက်တယ် တော်သေးတယ် အခင်းထဲတော့မ၀င်တော့ဘူး ဒါပေမဲ့မရပ်ဘူးခင်ဗျ ဆက်ပြီးပြေးနေတုန်းကျွန်တော်လည်းဆက်လိုက်ရမလို နောက်ပြန်လှည့်သွားရမလိုနဲ့ ဆက်လိုက်သွားရင်လည်းကျန်တဲ့နွားတွေကသာ နောက်တစ်ခေါက်အခင်းပြန်စားရင်ဒွတ်ခဗျ ဆက်မလိုက်ရင်လည်းဒီနွားက တခြားအခင်းတွေဝင်စားဦးမယ် ကျွန်တော်လည်းမထူးဘူးဆိုပြီး အဲဒီနွားနောက်ပဲဆက်လိုက်လိုက်တယ် ပြေးရင်းလိုက်ရင်းနဲ့ နှစ်မိုင်ကျော်ကျော်လောက်တောင်ရောက်သွားတယ်ဗျမှီင်္တော့မမှီပါဘူး သူကလေးချောင်းနဲ့ပြေးတာကျွန်တော်ကနှစ်ချောင်းထဲဘယ်တူမလဲဗျာ နောက်ဆုံးတော့ ကျွန်တော်တစ်ချက်ပြုံးလိုက်တယ် ဒင်းဘယ်ပြေးမလဲပေါ့ ရှေ့မှာကကမ်းပါမြင့်မြင့်ကြီးနဲ့ချောင်းကြီးရှိတယ်ဗျ ကမ်းပါးနားရောက်တော့ နွားကရပ်သွားတယ် ဘာလို့ရပ်သွားလဲတော့မသိဘူးဗျဒီလောက်တောင်ကမြင်းကျောထပြီးပြေးချင်ရင်နောက်ကိုပြန်လှည်းပြီးပြေးပါတော့လား ခုတော့အဖမ်းခံတယ်ဗျ ကျွန်တော်လည်း စိတ်တိုတိုနဲ့နှဖားကြိုးကိုဆောင့်ပြီးဆွဲလိုက်တယ် သွေးတွေတောင်ထွက်သွားမလားပဲတစ်လမ်းလုံးရိုက်နှက်ပြီးမောင်းလာခဲ့တယ်မလိုက်ချင်ဘူးဗျ နောက်ဆုတ်ကန်ဆုန်ကန်နဲ့ဆွဲရခက်လိုက်တာဗျာ တဲကိုေ၇ာက်တော့ အပြစ်ပေးတဲ့အနေနဲ့တိုင်းနဲ့နှဖားကြိုးကိုတွဲပြီးချည်ထားလိုက်တယ် သူရုန်းလို့မရဘူးဗျရုန်းရင်အရမ်းနာပြီးသွေးတွေထွက်လာလိမ့်မယ် ပထမတော့ အစာမစားခိုင်းပဲချည်ထားမလို့ပါပဲ ဒါပေမဲ့မရဘူးဗျာလူကိုစိတ်တိုအောင်လာလုပ်နေတယ် အသေရုန်းပြီးပြန်ပြေးချင်နေတာ ကျွန်တော်လဲဒီလောက်တောင်ဖြစ်နေရမလားဆိုပြီင်္းတော့တုန်းငါးချောင်းရှာလိုက်တယ် တစ်ချောင်းပြီးတစ်ချောင်းကျိုးအောင်ရိုက်လိုက်တယ် ကျောပြင်မှာလဲ အစင်းတွေချည်းဖြစ်နေပြိဗျ အဲဒါနဲ့ကျွန်တော်လည်းတစ်နေရာကိုပြောင်းရိုက်မယ်စိတ်ကူးလိုကတယ် ကျွန်တော်စိတ်ကူးမိတာကသူ့ချိုဗျ သူကချိုထိရင်လိုက်ဝှေ့တယ် အထိမခံဘူး အဲဒါနဲ့ကျွန်တော်လည်း သူ့ချိုကိုပဲလိုက်ပြီးရိုက်တယ် အဲဒီနွားတော်တော်အခံရခက်နေတာပေါ့ဗျာရုန်းလို့လဲမရဆိုတော့တိုင်ကိုပဲပတ်ပြေးနေရတယ် ကျွန်တော်ကလည်းဘယ်ရမလဲနောက်ကလိုက်ရိုက်လိုက် ရှေ့ကိုဆီးကြိုရိုက်လိုက်နဲ့ နောက်ဆုံးတော့ နွားရဲ့ချို အပေါ်ကအခွံမာကျွတ်သွားတယ်ဗျ သွေးတွေလည်းရဲလို့ကျလာတယ်ကျွန်တော်လည်းသနားစိတ်လေးနဲနဲတော့ဝင်လာတယ်အဲဒါနဲ့လွတ်ပေးလိုကတယ် မောင်မင်းကြီးသားကဘာတွေများကြံစည်နေလည်းမသိဘူးဗျဒီလောက်ရိုက်နက်ထားတာတောင် အဲဒီဘက်ကိုပြန်ပြေးသေးတာကျွန်တော်လည်းစဉ်းစားမရဖြစ်သွားတာပေါ့ ကျွန်တော့်ထက်ပိုပြီးခေါင်းမာသူပေါ်လာလို့လဲနဲနဲတော့ရှိန်သွားတယ် ဘာလို့များအဲဒီဘက်ကိုပြေးချင်ရတာလဲဆိုပြီးတော့ လွတ်ပေးပြီးတိတ်တိတ်လေးနောက်ကလိုက်ကြည့်လိုက်တယ်အဲဒီဘက်ကိုပဲပြေးတာဗျ ဘယ်မှမ၀င်ဘူးဖြောင့်လို့ဖြူးလို့ နောက်ဆုံးတော့ နောက်ဆုံးတော့ ကျွန်တော်မြင်လိုက်ရတဲ့မြင်ကွင်း အဲဒီမြင်ကွင်းကြောင့်ကျွန်တော်တွေတွေကြီင်္းပဲရပ်ကြည့်နေမိတယ် ၀မ်းနည်းစိတ်တွေပေါ်လာရင်းနဲ့ဘယ်လိုမှထ်ိန်းမနိုင်တော့ဘူးဗျာငိုချင်လွန်းလို့ ကျွန်တော်လည်းကျွန်တော့်နွားလေးဆီကိုပြေးဖက်ရင်ငိုမိလိုက်သေးတယ် ကျွန်တော့နွားကဒီလောက်ကြိမ်ဒဏ်တွေကိုအံတုရင်းပြေးနေတာက တခြားမဟုတ်ဘူးဗျရေဆာလို့ပြေးလာတာမနက်ကတည်းကမသောက်ရသေးတာနဲ့နေ့လယ်နေပူပူထဲကျွန်တော်နှိပ်စက်လို့ပြေးလွားရတာနဲ့ရေဆာနေတာဗျဒါကြောင့်မို့ဒီချောင်းဘက်ကိုပြေးလာတာ ကျွန်တော့နွားဘာကြောင့်ပြေးနေသလဲဆိုတာခင်ဗျားတို့တော့စဉ်းစားမိချင်စဉ်းစားမိမယ်ဗျာ ကျွန်တော်ငမိုက်သားကတော့စိတ်တိုရတာတွေစိတ်ဆတ်ရတာတွေနဲ့ အဲဒီအချက်ကိုမစဉ်းစားမိဘူးဗျ ၀မ်းနည်းသလားတော့မပြောနဲ့ဗျာခုရေးရင်းနဲ့တောင်ငိုချင်နေတုန်းပဲ ခင်ဗျားတို့လည်းဆင်ခြင်ကြပေါ့ဗျာကျွန်တော့လိုမဖြစ်ရအောင်ပြောတာပါဘာမှမသိတဲ့တိရစ္ဆာန်တွေ ကလေးတွေရဲ့အမှားကိုသေသေချာချာအဖြေမရှာပဲစိတ်လိုက်မာန်ပါအပြစ်မပေးကြဖို့ပြောချင်တာပါဗျာသူတို့ရဲ့ခံစားချက်တွေလိုအပ်ချက်တွေကိုဖွင့်ပြောခွင့်မရတဲ့အခါသူတို့လုပ်ချင်တာကိုလုပ်တတ်ကြတယ်ဗျကြိမ်ဒဏ်တွေ အပြစ်ဒဏ်တွေ အတားအဆီးတွေ ဒါတွေကိုသူတို့မမြင်တော့ဘူးဗျ အဲဒီအချိန်ကျရင်ခင်ဗျားတို့ကလည်းစိတ်တိုနေရတာနဲ့ခင်ဗျားတို့ကိုသူတို့ကဖြေရှင်းချက်ပေးချိန်ရမှာမဟုတ်ဘူးခင်ဗျားတို့ကလည်းစိတ်တိုလို့ဖြေရှင်းချက်ပေးရင်တောင်လက်ခံကြမှာမဟုတ်ဘူး ကျွန်တော်ပြောချင်တာတော့ဒါပါပဲဗျာ ကျွန်တော့်ရဲ့တောကြိုတောကြားကနွားကျောင်းတဲ့ဇာတ်လမ်းဆိုတော့ခင်ဗျားတို့ကစိတ်ဝင်စားမှမဟုတ်ပါဘူးဗျာ ဒါပေမဲ့ကျွန်တော့ကိုယ်တွေ့ဖြစ်ရပ်ဗျ စိတ်တိုခြင်းစိတ်ဆတ်ခြင်းတွေက နောင်တတရားများကိုသာဖန်ဆင်းပေးပြီးဝမ်းနည်းမှုများကိုသာလက်ဆောင်ပေးတတ်တယ်ဗျ