ဒါရိုက်တာမြှားနတ်မောင်ရဲ့
မြှားပစ်ပွဲဇာတ်လမ်း
သံယောဇဉ်က
အချစ်မြှားဘက်ကအားပေး
ပကာသနတွေက
အမုန်းမြှားဘက်ကထောက်ခံ
ပတ်ဝန်းကျင်မုန်တိုင်းကြောင့်
မင်းကိုအမုန်းမြှားကမှန်
ငါ့ရင်ကိုအချစ်မြှားကလာစိုက်
ဘာမဆိုင်တဲ့
ပွဲကြည့်ပရိတ်သတ်မင်းနဲ့ငါ
အချစ်ဆိပ်တွေတက်
အမုန်းဆိပ်တွေမပြေရင်း
မျက်လုံးချင်း
စစ်ကြေငြာခဲ့ရပါရော
ကဲ...
ဒီစစ်ပွဲမှာ
ယုယခြင်းက ငါ့နည်းလမ်း
စိမ်းကားခြင်းက မင်းပရိယာယ်
ငါ့အချစ်စိတ်တွေပဲ
ဒူးထောက်ရမလား
မင်း အမုန်းစိတ်တွေပဲ
လက်နက်ချရမလား
စိတ်သာချ
ဒီပြိုင်ပွဲအတွက်
မင်းလည်းစိတ်ရှိလက်ရှိမုန်း
ငါလည်း
ရွတ်ရွတ်ချွံချွံကိုချစ်ဦးမှာ
No comments:
Post a Comment